Hewlêr (Rûdaw) - Baroya Amedê ya Bakurê Kurdistanê ragihand ku polîsên Tirkiyeyê li parêzerekî endamê baroya wan dane û milê wî şikandine.
Baroya Amedê li ser hesabê xwe yê medyaya civakî li ser mijarê daxuyaniyek belav kir.
Baroyê ragihand ku polîsên îro li ser Cadeya Gaziyê ya navçeya Sûrê ya Amedê li parêzerekî endamê baroya wan daye û di encama lêdana polîsan de milê wî parêzerî şikestiye.
Baroya Amedê êrişa polîsan a li dijî endamê xwe şeremezar kiriye û got:
“Şkence û tevgera xirab bi ti awayî nayê qebûlkirin. Ti rewşeke îstîsna şkenceyê mafdar û rewa nake.
Em wekî Baroya Amedê daxwaz dikin ku ew kesên ev şkenceya kêfî û êrişa ji derveyî hiqûqê li hevkarê me kiriye bên destnîşankirin û ji kar bên dûrxistin.
Em tekez dikin ku em dê şopdarên proseyê bin.”
Baroya Amedê navê parêzerê ku rûbirûyî şkence û lêdana polîsên Tirkiyeyê bûye û sedemên bûyerê eşkere nekirine.
Meslektaşımıza Yönelik Saldırıyı ve İşkenceyi Kınıyoruz
— Diyarbakır Barosu (@Diyarbakirbaro) December 1, 2023
1 Aralık 2023(bugün) Sur ilçesi Gazi Caddesinde; kolluk görevlilerince, Baromuz üyesi bir meslektaşımıza şiddet uygulanmış ve kolunda kemik kırığı meydana gelmiştir.
İşkence ve kötü muamele hiçbir şekilde ve hiçbir…
