Hewlêr (Rûdaw) - Li bajarê Mêrdînê Yekemîn Pêşangeha Pirtûkan hat destpêkirin.
PêşanQada Fuarê ya Artukluyê ya Mêrdînê
Yekemîn Pêşganveha Pirtûkan, îro li Qada Fuarê ya Artukluyê ya Mêrdînê vebû.
Pêşangeh bi hevkariya Walîtî û Şaredariya Bajarê Mezin tê lidarxistin.
“Xwendina pirtûkan gelekî girîng e”
Parêzgarê Mêrdînê Tuncay Akkoyun di merasima vekirinê de axivî.
Tuncay Akkoyun behsa girîngiya xwendinê kir û got:
"Em kêfxweş in ku qada fuarê ya 2 hezar metrokareyî bû malê Mêrdînê. Hêvîdar im ku ev qada fuarê û ev pêşangeha pirtûkan ji bo xwendinê bibe wesîleyeke baş.
Em her tim ji ciwanên xwe re dibêjin ku xwendina pirtûkan gelekî girîng e. Xwendina pirtûkan bîrê, hejmara peyvan û hêza xweîfadekirinê xurt dike.
Ew kalîteya jiyanê baştir dike. Ez spasiya hemû weşanxane û nivîskarên ku beşdarî pêşangehê bûne dikim."
125 weşanxane beşdar bûne
Piştî axaftinan fuar hat vekirin.
Qasî 125 weşanxane û ji 20an zêdetir nivîskar dê beşdarî pêşangehê bibin.
Di pêşangehê de nivîskar dê pirtûkên xwe îmze bikin, guftugo dê çêbibin, helbest dê bên xwendin û lîstikên muzîkal dê bên lîstin.
Pêşangeh dê heta 28ê Sibatê vekirî bimîne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse