Hewlêr (Rûdaw) - Wezareta Karên Derve ya Amerîkayê ragihand ku di hevdîtina Wezîrê Karên Derve yê Tirkiyeyê Hakan Fîdan û hevtayê wî yê Amerîkayî Marco Rubio de, mijarên dualî û herêmî, bi taybetî jî agirbesta li Xezeyê û Şerê Rûsya-Ukraynayê hatine gotûbêjkirin.
Alîkarê Berdevkê Wezareta Karên Derve ya Amerîkayê Tommy Pigott derbarê hevdîtina ku doh li Washingtonê pêk hat de daxuyaniyeke nivîskî da.
“Enerjiya Rûsyayê mekirin”
Di daxuyaniya aliyê Amerîkayê de hat gotin:
"Wezîrê Karên Derve Marco Rubio îro bi Wezîrê Karên Derve yê Tirkiyeyê Hakan Fîdan re civiya û li ser agirbesta li Xezeyê û gavên ku ji bo misogerkirina îstiqrara li herêmê bên avêtin gotûbêj kirin.
Wezîr û Wezîrê Karên Derve, piştgiriya xwe ya ji bo hewldanên pêkanîna aştiyeke mayînde ducare kir.
Wezîr Rubio her wiha banga Serok Trump a ji bo hemû hevalbendên NATOyê ya ji bo rawestandina kirîna enerjiya Rûsyayê ducare kir da ku şerê li Ukraynayê bi dawî bibe."
