Hewlêr (Rûdaw) - Li gorî encamên Hilbijartinên Meclisa Şaredariyê ya li eyaleta Washingtonê, Narîn Biryar a Kurd-Amerîkî di hilbijartinên Meclisa Şaredariyê ya Bellevueyê de bi ser ket.
Li gorî encamên hilbijartinan, Narîn Biryarê zêdetirî ji sedî 51ê dengan stand û bi ser rikeberê xwe ket ku wî jî nêzîkî ji sedî 48ê dengan standibû.
Şaredariya Bellevueyê şaredariya sêyemîn a herî mezin a herêma Seattleyê ya li eyaleta Washingtonê ye û li gorî serjimêriya sala 2020an hejmara şêniyên wê zêdetirî 151 hezar û 800 kes e.
Bajar wekî yek ji bajarên aborî û teknolojiyê yên Amerîkayê tê naskirin û gelek şirketên mezin ên teknolojiyê lê ne ku di nav wan de Pacer Inc., T-Mobile û Valve jî hene.
Her wiha Şirketa Amazonê jî sala 1994an ji aliyê Jeff Bezos ve li vî bajarî hat damezirandin.
Narîn Biryar li Amerîkayê li eyaleta Teksasê ji dayîk û bavekî Helebceyî û Silêmaniyî ji dayîk bûye.
Wê xwendina xwe ya bilind li Zanîngeha Bostonê qedandiye û niha li bajarê Bellevueyê yê eyaleta Washingtonê dimîne.
