Hewlêr (Rûdaw) - Li eyaleta Californiayê ya Amerîkayê balafireke şer a cureyê F-35B ya Hêzên Deryayî yên Amerîkayê ket.
Hat ragihandin ku pîlot bi sîstema avêtinê ji balafirê derketiye û rizgar bûye.
Bûyer li nêzîkî Baregeha Hewayî ya Deryayî ya Miramarê (MCAS Miramar) ya li bajarê San Diegoyê rû daye.
Rayedarên Amerîkayê di daxuyaniya xwe de diyar kir ku ev bûyer wekî "qezaya hewayî ya leşkerî ya Pola Ayê" hatiye tomarkirin.
Di daxuyaniyê de hat gotin:
"Em dikarin piştrast bikin ku li derdora MCAS Miramarê qezayeke Pola Ayê ya balafireke F-35B ya Hêzên Deryayî çêbûye.
Pîlot bi kursiya avêtinê rizgar bû.
Agahiyên zêdetir dê di demeke nêzîk de bi raya giştî re werin parvekirin."
Rayedaran ragihand ku pîlot bi silametî ji balafirê veqetiyaye.
Li ser sedema qezayê dest bi lêpirsînê hat kirin û hat gotin ku hûrgiliyên bûyerê dê paşê werin eşkerekirin.
#VÎDEO - Balafireke şer a Amerîkayê ket
— RudawKurdi (@RudawKurdi) August 1, 2026
🔴 Li Californiaya Amerîkayê balafireke şer a cureyê F-35 ket û teqiya
Nalîn Hesen radigihîne pic.twitter.com/SaQ5FQthAI
