Hewlêr (Rûdaw) - Dîmenekî nû yê komeke çekdar a Artêşa Ereban a Sûriyeyê belav bû ku tê de beriya êrişa li ser taxên Kurdan ên Helebê "nimêja cîhadê" dikin û Kurdan wekî "kafir" bi nav dikin.
Vîdeoyeke balkêş a komeke çekdar a komeke çekdar a Artêşa Ereban a Sûriyeyê gihişt Rûdawê.
Di dîmenan de tê dîtin ku komek çekdar li cihekî tarî (wekî tunel an şikeftekê) kom bûne û bi awayekî komî "nimêj û diayan" dikin.
Kurdan wekî "qewmê kafir" pênase dikin
Çekdar di diayên xwe de Kurdan û şêniyên taxên Şêx Meqsûd û Eşrefiyeyê wekî "qewmê kafir" bi nav dikin.
Di dengê ku di vîdeoyê de tê bihîstin, kesê ku deayê dike bi Erebî dibêje:
"Xwedayê min, lingên me saxlam bike û me li ser qewmê kafir bi ser bixe. Xwedayê min, em bi te tevdigerin, em bi te êriş dikin û em bi te şer dikin."
Şerê li dijî Kurdan "helal" dibînin
Ev komên çekdar ên Artêşa Ereban a Sûriyeyê di nimêja xwe de Kurdan wekî 'qewmê kafir' bi nav dikin û bi vê yekê şerê li dijî wan ji xwe re helal dibînin."
Divê were gotin ku ev komên çekdar li derdora taxên Şêx Meqsûd û Eşrefiyeyê yên Helebê bi cih bûne û amadehiya êrişkirina li ser van taxên ku Kurd lê dijîn dikin.
#VÎDEO - Li dijî Kurdan nimêja "Cîhadê" hat kirin
— RudawKurdi (@RudawKurdi) January 8, 2026
💢 Dîmenên nû yên çekdarên ku dora taxên Şêx Meqsûd û Eşrefiyeyê girtine derketin hole
💢 Çekdar beriya êrişê nimêjê dikin û Kurdan wekî "qewmê kafir" bi nav dikin
🗣️ Wan şerê li dijî Kurdan ji xwe re "helal" kiriye û dibêjin:… pic.twitter.com/G2jjUeea8V
