Hewlêr (Rûdaw) - Rêxistina Mafên Mirovan a Efrînê ragihand ku li çoltera bajarê Helebê yê Sûriyeyê parêzerekî Kurd ji aliyê komeke çekdar ve hatiye revandin.
Li gorî daxuyaniyê, parêzer Elaedîn Xalid Kalo doh li bajarokê Til Hasilê yê herêma Sefîreyê ya Helebê ji mala xwe hatiye revandin.
Hat diyarkirin ku komeke çekdar a girêdayî Wezareta Parastinê ya Sûriyeyê ew revandiye.
"Birine cihekî nediyar"
Rêxistinê da zanîn ku bûyer piştî nîvro qewimiye û parêzer Elaedîn Xalid Kalo birine cihekî nediyar û çarenivîsa wî nayê zanîn.
Malbata parêzer Kalo diyar kir ku rewşa wî ya tenduristiyê xirab e, nexweşiyeke wî ya domdar heye û dermanan bi kar tîne.
Malbatê bangî Ewlehiya Giştî ya hikûmeta Sûriyeyê kir ku ji bo dîtin û rizgarkirina wî bikeve nav liv û tevgerê.
#VÎDEO - Li Helebê parêzerekî Kurd ji mala xwe hat revandin
— RudawKurdi (@RudawKurdi) January 3, 2026
Warşîn Salih radigihîne pic.twitter.com/JQQmgm7AbW
