Li Sûriyeyê teqîn, mirî û birîndar hene

Hewlêr (Rûdaw) - Li bajarê Tedmûrê yê parêzgeha Himsê ya Sûriyeyê teqînekê rû da.

Nûçegihana Rûdawê Solîn Mihemed Emînê da zanîn ku mirî û birîndar hene. 

Ajansa fermî ya Sûriyeyê (SANA) ragihand ku miriyek û 2 birîndar hene.
SANAyê da zanîn ku hîn çavkaniya êrişê "ne diyar e."

Li gorî agahiyan, Li bajarê Tedmûrê (Palmîra) yê Himsê bombeya di kîsê xurdefiroşekî de teqiyaye û di vê teqînê de kesek miriye û 2 kes jî birîndar bûne.

Çavkaniyeke ewlehiyê ji kanala fermî ya Sûriyeyê El-Îxbariyeyê re ragihand ku teqîn li ber Gerînendehiya Herêmê ya Tedmûrê çêbûye.

Hat ragihandin ku hêzên ewlehiyê li ser bûyerê lêkolînê dikin.