Hewlêr (Rûdaw) - Navenda Ragihandinê ya Hêzên Çekdar ên Yemenê ragihand ku çekdarên Hûsî bi 14 mûşekên balîstîk û dronan êrişî cihên niştecihbûnê yên li peravên rojavayê parêzgehên Teîz û Hudeydeyê kiriye.
Çavkaniyeke leşkerî diyar kir ku pergalên parastina asmanî li eniya Teîzê û li hinek herêmên perava rojava hinek dron xistine.
Wî rayedarî pesnê "amadehiya bilind a şer" a hêzên Yemenê da û got ku moralê leşkeran bilind e û yekîneyên leşkerî di rewşa hişyarî de ne.
Hat ragihandin ku mûşekên balîstîk li xalên hêzên leşkerî yên li perava rojava neketine.
Her wiha hat diyarkirin ku hêzên Yemenê li eniya Al-Barhê ya li rojavayê parêzgeha Teîzê bersiv daye êrişan û li wê derê şer û pevçûnên bejahî derketine.
Rewşa Yemenê
Li Yemenê ji Nîsana 2022yan ve aramiyeke rêjeyî hebû lê ev şerê ku beriya 12 salan dest pê kiriye hîn berdewam dike.
Hûsî ji Îlona 2014an ve paytext Sena û gelek bajar û parêzgehên din kontrol dikin.
Hefteyên dawî li parêzgehên wekî Marîb, Cewf, Dale û Teîzê şer ducare dest pê kiriye.
Yemen bi yekê ji felaketên herî giran ên mirovî û aborî yên cîhanê re rû bi rû maye.
Dorpêça deryayî ya li ser Siûdiyê
Koalîsyona bi pêşengiya Erebistana Siûdî piştgiriyê dide hikûmeta Yemenê ya ku di qada navneteweyî de tê naskirin.
Îran jî bi piştgirîdayîna Hûsiyan tê tawanbarkirin. Hûsiyan meha tîrmehê ragihandibû ku wan dorpêça deryayî daniye ser Erebistana Siûdî.
.webp&w=3840&q=75)