Hewlêr (Rûdaw) - Hêzên ewlehiyê yên Îranê li bajarê Pîranşarê yê Rojhilatê Kurdistanê bi ser malan de girt û du Kurd desteser kirin.
Rêxistina Mafên Mirovan a Hengawê ragihand ku hêzên hikûmetê doh li gundê Şînawê yê Pîranşarê operasyonek pêk aniye.
Di encama biserdegirtina malan de welatiyên bi navê Tahir Bapîran û Siyamend Îsmaîlî ji aliyê hêzên ewlehiyê ve hatine desteserkirin.
Hengawê da zanîn ku hêzên hikûmetê "bi awayekî tund" bi ser malên wan welatiyan de girtiye.
Heta niha derbarê sedema desteserkirinê û cihê ku ew lê tên ragirtin ti agahî nehatine parvekirin û çarenivîsa wan jî ne diyar e.
.webp&w=3840&q=75)
