Hewlêr (Rûdaw) - Li navçeya Eyûbiyeyê ya parêzgeha Rihayê ya Bakurê Kurdistanê, di pevçûna çekdarî ya di navbera xizman de 4 kes birîndar bûn.
Bûyer li Taxa Mûradiyeyê qewimî.
Piştî dawetekê, di navbera xizman de nîqaş derket û demeke kurt de veguherî pevçûna çekdarî.
"Gule li pey hev teqiyan"
Di pevçûna ku çek hatin bikaranîn de 4 kes birîndar bûn.
Li ser agahdarkirinê tîmên tenduristiyê û polîs çûn cihê bûyerê.
Lêpirsîn hat destpêkirin
Tîmên tenduristiyê birîndar bi ambulansan veguhastin nexweşxaneyên li bajêr.
Hêzên ewlehiyê ji bo tesbîtkirin û girtina kesên ku beşdarî şer bûne dest bi xebatan kir.
.webp&w=3840&q=75)
