Hewlêr (Rûdaw) - Serok Mesûd Barzanî bi boneya "serkeftina pêvajoya hilbijartina Encumena Nûneran a Îraqê" peyamek belav kir.
Serok Barzanî hêviya xwe anî ziman ku ew hilbijartin û encamên wê bibin sedem ku Îraq bikeve ser "rêya xwe ya rast."
Serok Barzanî di peyama xwe de got ku ew bi boneya "serkeftina pêvajoya hilbijartina Encumena Nûneran a Îraqê" xelkê Herêma Kurdistanê û tevahiya Îraqê pîroz dike.
“Ez hêvîdar im ku ew hilbijartin…”
Peyama Serok Mesûd Barzanî ya ji bo hilbijartinê ev e:
“Bi navê Xwedayê mezin û dilovan,
Bi boneya serkeftina pêvajoya hilbijartina Encumena Nûneran a Îraqê, pîrozbahiyê li welatiyên xoşewîst yên Kurdistanê û tevahiya Îraqê dikim.
Her wiha pîrozbahiyê li malbatên serbilind ên şehîdan, Pêşmergeyên qehreman û hemû çîn û beşên Kurdistanê dikim.
Li vir ez bi pêwîst dibînim ku spasiya serkirdatî, endam, kadro û alîgirên Partiyê (PDK) û her wiha dezgehên ewlehiyê û hemû aliyên pêwendîdar bikim ku wan bi westan û bêxewiya xwe atmosfereke aram û ewle ji bo pêkanîna pêvajoya hilbijartinê amade kir.
Ez hêvîdar im ku ew hilbijartin û encamên wê bibin sedem ku Îraq bikeve ser rêya xwe ya rast.”
Rêjeya beşdariyê ji sedî 55 derbas kir
Doh hilbijartina Parlamentoya Îraqê hat kirin.
Li gorî Komîsyona Bilind a Serbixwe ya Hilbijartinan a Îraqê, di hilbijartinan de ji zêdetirî 21 milyon dengderan, 12 milyon kesan dengê xwe daye.
Hat diyarkirin ku rêjeya beşdariyê ji sedî 55 derbas kiriye.
.webp&w=3840&q=75)
