Hewlêr (Rûdaw) - Nêçîrvan Barzanî Serokê Herêma Kurdistanê îro êvarê pêşwazî li Serokê Desteya Heşdî Şebiyê Falih Feyaz kir.
Fuad Husên Wezîrê Karên Derve yê Îraqê jî di hevdîtinê de amade bû, rewşa siyasî ya Îraqê û pêşhatên dawî yên herêma Kurdistanê hatin gotûbêjkirin.
Pêwendiyên Hewlêr û Bexdayê
Li gorî daxuyaniyeke Serokatiya Herêma Kurdistanê, pêwendiyên di navbera Hewlêr û Bexdayê de mijareke sereke ya gotûbêjan bû.
Her du aliyan tekezî li ser girîngiya bihêzkirina alîkarî û hevahengiya hevbeş kir.
Her wiha pêdagirî li ser pêwîstiya çareserkirina pirsgirêkên hilawîstî yên li ser bingeha destûrê hat kirin.
Parastina aramiya welêt
Di daxuyaniyê de hat destnîşankirin ku her du aliyan bal kişandiye ser girîngiya xurtkirina hevkarî û hevahengiya hevbeş.
Hat ragihandin ku her 2 aliyan bi israr tekezî li ser pêwîstiya çareserkirina pirsgirêkên hilawîstî ya li ser bingeha destûrê kiriye.
Di daxuyaniyê de hat diyarkirin ku mijareke din a civînê parastina aramî û tenahiya welêt bûye.
Her wiha hat eşkerekirin ku ji bo vê armancê girîngiya hevkarî û xebata hevbeş a di navbera hemû hêz û aliyên Îraqî de hatiye nirxandin.



