Serok Barzanî ji bo koça dawî ya Mihemed Emîn Xerxûrî peyamek belav kir

Hewlêr (Rûdaw) - Serok Mesûd Barzanî ji bo koça dawî ya endamê Ofîsa Siyasî ya Partiya Demokrat a Kurdistanê-Bakur (PDK-Bakur) Mihemed Emîn Xerxûrî, peyameke sersaxiyê belav kir.

Serok Barzanî di peyama xwe de anî zimên:

“Bi xemgîniyeke mezin xebera koça dawî ya kesayetê têkoşer ê Bakur Mihemed Emîn Xerxûrî gihîşt min.”

Serok Barzanî sersaxî ji malbat, xizm û hevalên wî re xwest û diyar kir ku ew xwe bi hevparê xema wan dizane.

Serok Barzanî her wiha ji Xwedê xwest ku giyanê wî bi bihuştê şad bike û hedar û aramiyê bide hemû aliyan.

Peyama Serok Barzanî

Peyama hevxemiyê ya Serok Barzanî ya ji bo koça dawî ya Mihemed Emîn Xerxûrî bi temamî wiha ye:

“Bi navê Xwedayê mezin û dilovan,

Bi xemgîniyeke mezin nûçeya koça dawî ya kesayetê têkoşer ê Bakur Mihemed Emîn Xerxûrî û endamê Ofîsa Siyasî ya Partiya Demokrat a Kurdistanê-Bakur gihîşt min.

Sersaxî û hevxemiya xwe pêşkêşî malbat, xizm û hevalên rehmetî Mihemed Emîn Xerxûrî û serkirdayetî û endamên Partiya Demokrat a Kurdistanê-Bakur dikim û xwe bi hevparê xema wan dizanim.

Ji Xwedayê mezin dixwazim giyanê rehmetî bi bihuşta fireh şad bike û hedar û aramiyê bide hemû aliyan.

Inna lîllahî we înna îleyhî racîûn (Em ji Xwedê hatine û em dê dîsa vegerin ba wî).”