Hewlêr (Rûdaw) - Li gundê Xerîb yê girêdayî Kobanî, fermandarên Rûsya, Tirkiye û Rêveberiya Herêma Kobanî civiyan.
Dîmenên gihiştina fermandarên Rûs û Tirkiyê ji bo gundê Xerîb ji Rûdawê re hatin şandin.
Hersê aliyan civîneke girtî nêzîkî 2 demjimêran lidar xistin û di civînê de, pirsên girêdayî navçeyê, çavdêrîkirina sînor û lihevtêgihiştina aliyan gotûbêj kirin.
Gundê Xerîb 15 kîlometran dikeve rojhilatê bajarê Kobaniyê.
Li wî cihî berî niha mayînek bi panzêreke Rûsî de teqiyabû.
