Hewlêr (Rûdaw) - Supaya Pasdaran a Îranê ragihand ku wan baregeheke hêzên Amerîkayê ya li Urdinê kiriye armanc.
Supaya Pasdaran îdia dike ku di êrişa li herêma Rukbanê de çend leşkerên Amerîkayê hatine kuştin.
Supaya Pasdaran a Îranê îro daxuyaniyek belav kir.
Li gorî daxuyaniyê, Hêzên Asmanî yên Supaya Pasdaran êrişî navendeke leşkerî ya Amerîkayê ya li ser sînorê Urdinê kir.
Îdiayên Supaya Pasdaran
Supaya Pasdaran îdia dike ku wan di êrişan de çend leşkerên Amerîkî kuştine.
Lê Amerîkayê heta niha li ser vê mijarê ti daxuyanî nedane.
Supaya Pasdaran qala gotinên Wezîrê Şer ê Amerîkayê jî kir û ev peyam da:
"Ew bi xwe wekî sûcdarekî şer tê dîtin lê kuştiyên xwe wekî qehreman bi nav dike. Her wiha amarên wan jî ji hejmara rastîn gelekî kêmtir nîşan dide.
Di çanda ti gelan de, ew leşkerên ku çekên bipêşketî ji bo kuştina zarokên bêguneh bi kar tînin, wekî qehreman nayên dîtin."
Şerê Îran û Amerîkayê didome
Fermandariya Navendî ya Hêzên Amerîkayê (CENTCOM) jî 17ê Tîrmeha 2026an daxuyaniyek dabû.
CENTCOMê ragihandibû ku di encama êrişên li ser baregeha Muwefeq Seltî ya li Urdinê de 2 leşkerên Amerîkayê hatine kuştin û leşkerek jî winda ye.
Amerîkayê îro di pêleke nû de careke din êrişî Îranê kir.
Li gorî daxuyaniyê di van êrişan de herêmên Konarek, Çabehar, Sîrîk, Bendera Lengeyê û Bendera Ebasê hatin bombebarankirin.
Her wiha derdora bajarê Ewdananê yê parêzgeha Îlamê jî rastî êrişan hat.
