Hewlêr (Rûdaw) - Elî Ekber Wîlayetiyê Şêwirmendê Bilind ê Rêberê Îranê Mucteba Xamineyî got, “Tengava Hurmizê ya Îranê ye û ti hêza cîhanê nikare wê ji serweriya Îranê bistîne.”
Li gorî televîzyona dewletê ya Îranê, Elî Ekber Wîlayetî diyar kiriye ku Tengava Hurmizê ya ku di hedefa Amerîkayê de ye, ya Îranê ye.
"Ti hêz nikare bistîne"
Wîlayetî di daxuyaniya xwe de aniye zimên: “Tengava Hurmizê ya Îranê ye û ti hêza li cîhanê nikare Tengava Hurmizê ji serweriya Îranê bistîne.
Ev tengav, wekî destkefteke biqîmet a şerê 40 rojî, bi fermana wêrek û zane ya Rêberê Bilind Ayetulah Seyîd Mucteba Xamineyî ketiye bin serweriya Îranê.”
Amerîka di rojên dawî de li ser hev operasyonan dibe ser binesaziya leşkerî ya Îranê.
Washington dibêje armanca van êrişan kêmkirina gefên li ser trafîka deryayî ya navneteweyî ya li Tengava Hurmizê ye.
Demên dawiyê aloziya di navbera Amerîka û Îranê de ya li ser Tengava Hurmizê gurtir dibe.
.jpg&w=3840&q=75)
