Hewlêr (Rûdaw) - Li rojavayê bajarê Meksîkoyê yê paytexta Meksîkayê, balafireke biçûk ket û herî kêm 7 kes mirin.
Koordînatorê Parastina Sivîl a Meksîkoyê Adrian Hernandez ragihand ku balafir 50 kîlometreyan li rojavayê paytextê ketiye.
Hernandez diyar kir, balafira biçûk a ku 5 kîlometreyan dûrî Balafirgeha Tolucayê bûye, dema xwestiye bi awayekî bilez dakeve ketiye xwarê.
Di balafirê de 10 kes hebûn
Adrian Hernandez da zanîn ku li gorî qeydan di balafirê de 8 rêwî û 2 personel hebûne.
Hernandez destnîşan kir ku heta niha wan xwe gihandiye termên 7 kesan.
Li aliyê din hat ragihandin ku derbarê sedema ketina balafirê dest bi lêpirsînê hatiye kirin.
