Abdullah Ocalan: Kadîr Înanir yek ji rêberên rast ên pêvajoya aştiyê bû

Hewlêr (Rûdaw) - Abdullah Ocalan ji bo mirina hunermendê navdar ê Tirkiyeyê Kadîr Înanir ji Girtîgeha Îmraliyê peyamek şand.

Ocalan di peyama xwe de sersaxî ji malbat û dostên Kadîr Înanir re xwest û bal kişand ser keda wî ya di huner û siyaseta aştiyê de.

“Nirxê etîk û estetîk ê dilê gel bû”

Abdullah Ocalan di peyama xwe de hunermendê mirî bi rêzdarî bi bîr anî û anî zimên:

“Ez hunermendê mezin ê gelên Tirkiyeyê yê ku di dilan de cih girtiye, Kadîr Înanirê delal bi rêzdarî bi bîr tînim.

Ew di hunera sînemayê de nûnerê mezin ê wê xetê bû ku Yilmaz Guney û Sirrî Sureyya jî tê de ne.

Ew ji bo gel hunermendekî rast bû. Nirxê etîk û estetîk ê dilê gel bû.”

“Şopînerê pêvajoya aştiyê bû”

Ocalan destnîşan kir ku Kadîr Înanir di dema pêvajoya çareseriyê de wekî "eqilmendekî" xwedî helwesteke xurt bû û li pey çû:

“Ew ji rêberên herî rast û biryardar ên mirovên eqilmend ên pêvajoya aştiyê bû.

Mîna Sirrî Sureyya, ew jî şopînerê pêvajoya aştiyê ya dawî bû.

Ez bawer dikim ku Pêvajoya Aştî û Civaka Demokratîk a nû bi ser bikeve. Bi vê serkeftinê dê rihê wî şad bibe.”

Ocalan di dawiya peyama xwe de sersaxî ji hemû xizm, dost û gel re xwest û silavên xwe şandin.

Hunermendê navdar Kadîr Înanir 26ê Hezîrana 2026an koça dawî kiribû.