Hewlêr (Rûdaw) – TUIKê ragihand ku rêjeya enflasyonê ya Kanûna Paşîn a 2025an ji sedî 5,03 zêde bûye û enflasyona salane gihiştiye ji sedî 42,12an.
ENAG jî daxuyand ku rêjeya enflasyonê ya Kanûna Paşîn a 2025an ji sedî 8,22 e û enflasyona salane gihiştiye ji sedî 81,02yan.
Saziya Amaran a Tirkiyeyê (TUIK) û Grûpa Lêkolînên Enflasyonê (ENAG) îro amarên enflasyona Kanûna Paşîn a 2025an û amarên enflasyona salane eşkere kirin.
Di navbera amarên her du saziyan de ferqeke zêde heye.
Li gor amarên TUIKê meha borî li gorî Kanûna Pêşîn a 2024an herî zêde bi rêjeya ji sedî -5,17an bihayên cil û bergan daketine.
Herî zêde jî bi rêjeya ji sedî 23,57an bihayên sektora tenduristiyê zêde bûne.
Li gorî heman meha sala borî (Kanûna Paşîn a 2024) jî herî kêm bi rêjeya ji sedî 23,14an bihayên sektora veguhastinê zêde bûne.
Herî zêde jî bi rêjeya ji sedî 99,93yan bihayên sektora perwerdeyê zêde bûne.