رووداو دیجیتاڵ
لە رووداوێکی چاوەڕواننەکراودا، خانمە یاریزانێکی چیکی بەهۆی سێڵفییەکەوە کۆچی دواییکرد.
ناتالی سچێکۆڤا، خانمە یاریزانی یاریی جومبازی چیک، تەمەنی 23 ساڵە و بۆ وەرگرتنی پشوو چووەتە ئەڵمانیا و لەوێ بەهۆی سێڵفییەکەوە کۆچی دواییکرد.
خانمە یاریزانەکە لەگەڵ کۆمەڵێک میوان و خۆشەویستەکەی چووەنەتە سەر سەر بەرزاییەکی نزیک قەڵای بەنێوبانگی نویشڤانشتاین لە ئەڵمانیا، کاتێک دەیەوێت سێڵفییەک بگرێت لە بەرزایی 80 مەتر بەردەبێتەوە و بەو هۆیەوە گیان لەدەستدەدات.
ناتالی دەیویست لەسەر بەرازییەکی نزیک قەڵایەکە و وێنەیەکی سێڵفی بۆ یادگاری بگرێت، لەسەر لووتکەی شاخەکە وێنەیەکی سێڵفی بگرێت و لە سۆشیاڵ میدیادا بڵاوبکاتەوە، بەڵام لەو کاتە قاچێکی دەخزێت و لە بەرزایی 80 مەتر بەردەبێتەوە، خانمە یاریزانەکە دوای چەند رۆژێک مانەوە لە کۆمادا لە نەخۆشخانە کۆچی دواییکرد.
بەپێی راپۆرتە رۆژنامەڤانییەکان، بەربوونەوەکە کاریگەرییەکی گەورەی لەسەر مێشکی ئەو خانمە یاریزانە کردووە و هەر ئەوەش بووەتە هۆکاری گیانلەدەستدانی.
ناتالی تەمەنێکی بچووکی هەبوو و لەسەر ئاستی چیک و دەرەوەی وڵاتەکەش لە یاریی جومبازدا بەشداریی لە چەند پاڵەوانێتییەکی جیاوازدا کردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ