ئێمباپێ لەبەردەم شکاندنی ریکۆرددا

ئەمڕۆ ئێوارە یانەی ریال مەدرید دوایین یاریی خۆی لە لالیگادا ئەنجامدەدات و میوانداریی یانەی ریال سۆسیداد دەکات، کیلیان ئێمباپێ پێشەنگی گۆڵکارانی خولەکەی گرتووە و 29 گۆڵی تۆمارکردووە، یاریزانەکە بە تۆمارکردنی گۆڵێکی دیکە بەتەواوی لە بردنەوەی خەڵاتی گۆڵکاری خولە گەورەکانی ئەورووپا نزیکدەبێتەوە، بەتایبەت کە بە خاڵ پێش ڤیکتۆر یۆکێرێش، هێرشبەری سپۆرتینگ لیسبۆنە دەکەوێت و بە دوو گۆڵیش پێش محەممەد سەڵاح، ئەستێرەی لیڤەرپوول دەکەوێت.

جگە لەوە یارییەکەی ئەمڕۆ بۆ ئەستێرە فەرەنسییەکە هەلێکی گرنگە بۆ ئەوەی چەند ریکۆردێکی دیکە تۆماربکات.

• خاوەنی 29 گۆڵە و یەک گۆڵی ماوە بۆ ئەوەی ببێتە ئەو یاریزانە فەرەنسییەی زۆرترین گۆڵی لە یەک وەرزدا لە لالیگادا تۆمارکردبێت.

• خاوەنی 29 گۆڵە و پێویستە گۆڵێکی دیکە تۆمار بکات بۆ ئەوەی بۆ یەکەمجار لە ژیانی وەرزشیدا خەڵاتی لاپچینی زێڕین بەدەستبهێنێت. سەڵاح بە گۆڵێک لەدوای خۆیەوەیە و پێویستی بەوەیە گۆڵێکی لە ئێمباپێ زیاتربێت.

• تا ئێستا لەم وەرزەدا خاوەنی 41 گۆڵە و سێ گۆڵی ماوە بۆ شکاندنی ژمارەی پێوانەیی خۆی کە لە وەرزی رابردوودا 44 گۆڵی تۆمارکردبوو (ئەو چانسی شکاندنی ئەم ڕیکۆردەی هەیە لە جامی جیهانی یانەکاندا).

• کیلیان ئێمباپێ تاوەکو ئێستا بەشێوەیەکی گشتی 41 گۆڵی بۆ ریال مەدرید تۆمارکردووە و لە هەموو یارییەکانی کۆتاییدا بەدرێسی ریال مەدریدەوە گۆڵی تۆمارکردووە.

ریال مەدرید لەم وەرزەدا وەرزێکی خراپی پێشکێشکرد و هیچ نازناوێکی نەبردەوە، بەڵام لەگەڵ ئەوەشدا کیلیان ئێمباپێ لە یەکەم وەرزیدا لەگەڵ یانەکە ئاستێکی باشی هەبوو و توانیی ببێتە گۆڵکاری خولی ئیسپانیا.