رووداو دیجیتاڵ
یانەی هەولێر نەیتوانی سوود لە ئامادەبوونی هاندەرانی وەربگرێت و لەنێو یاریگە و هاندەرانیدا بە یانەی جەوییە دۆڕا.
لە رکابەرییەکانی گەڕی 18ـی خولی ئەستێرەکانی عێراق، یانەی هەولێر لە یاریگەی فرانسۆ بە ئامادەبوونی زیاتر لە 25 هەزار هاندەر میوانداریی یانەی جەوییە کرد، بەڵام سوودی لە ئامادەبوونی ئەو هەموو هاندەرە زۆرە وەرنەگرت و یارییەکەی بە دوو گۆڵی بێبەرامبەر دۆڕاند.
هەولێر یەکەمجارە لەم وەرزەدا لە یاریگەی خۆیدا دەدۆڕێت، ئەمە شەشەم دۆڕانی یانەکەیە لەم وەرزەی خولەکدا و ئێستا تیپەکە لە پلەی هەشتەمی ریزبەندی خولی ئەستێرەکانی عێراقە.
یانەی جەوییە، یەکەمجارە لە دوای 6 یاری بردنەوەیەک تۆمار دەکات و بەبردنەوەی ئەم یارییە چووە پلەی شەشەمی ریزبەندی خولەکە و 31 خاڵی هەیە.
