رووداو دیجیتاڵ
یانەی بارسێلۆنا سەرکەوتنێکی گەورە و پڕ گۆڵی لە گەڕی سێیەمی لالیگا تۆمارکرد، دوای ئەوەی بە ئەنجامی 5-2 لە یانەی رایۆ ڤاییکانۆی بردەوە و پێشەنگی
ریزبەندییەکەی لە رکابەرە مێژووییەکەی وەرگرتەوە.
لە سەرەتای یارییەکەدا، میوانەکان سوپرایزی بارسایان کرد و لە خولەکی 12دا لە رێگەی سێرجیۆ کامێلۆوە گۆڵی پێشەنگیان تۆمارکرد، بەڵام کاردانەوەی کوڕانی بلاوگرانا خێرا بوو، لامین یامال لە خولەکی 19 ئەنجامەکەی یەکسان کردەوە، تەنیا دوو خولەک دواتر رافینیا گۆڵی دووەمی بۆ بارسا سەرخست.
لە دەستپێکی نیوەی دووەمدا و لە خولەکی 51، ئانتۆنی گۆردۆن بەرگرییکارانی رایۆی ناچار بە هەڵە کرد و لیجۆن بە هەڵە گۆڵێکی لە خۆیان تۆمارکرد.
هەرچەندە سێرجیۆ کامێلۆ لە خولەکی 59 گۆڵی دووەمی خۆی و یانەکەی بە سەر تۆمارکرد، بەڵام ئەمە هیوایەکی ئەوتۆی پێنەبەخشن.
لە خولەکی 71، رافینیا جارێکی دیکە درەوشایەوە و دوای وەرگرتنی ئەسیستێکی هونەری بە پاژنەی پێ لە ئانتۆنی گۆردۆنەوە، گۆڵی چوارەمی بارسای تۆمارکرد. لە دوایین خولەکی یارییەکەشدا، لامین یامال بە پاسێکی کەریم ئادێمی، گۆڵی پێنجەم و کۆتایی یارییەکەی واژۆ کرد.
بەم بردنەوەیە، بارسێلۆنا هاوشانی ریال مەدرید خاڵەکانی گەیاندە 9 خاڵ، بەڵام بە جیاوازیی گۆڵ چووە لووتکەی ریزبەندیی لالیگا.
.jpg&w=3840&q=75)