رووداو دیجیتاڵ
یانەی ریال مەدرید لەژێر سەرپەرشتی جۆزێ مۆرینیۆ، درێژەی بە ئەنجامە سەرنجڕاکێشەکانی لە لالیگادا و سێیەم سەرکەوتنی لەسەریەکی تۆمارکرد، دوای
ئەوەی لە یاریگای سانتیاگۆ بێرنابیۆ و لە چوارچێوەی گەڕی سێیەمی لالیگادا، بە چوار گۆڵی بێوەڵام لە یانەی مالاگای بردەوە.
هەر لە سەرەتای یارییەکەوە باڵادەستی مێرێنگێ بەدی دەکرا، جود بێلینگهام لە خولەکی 19دا دەرگای گۆڵتۆمارکردنی واڵا کرد، پاشان هەمان یاریزان لە خولەکی 26دا گۆڵی دووەمی خۆی و تیپەکەی تۆمارکرد.
هێرشەکانی ریال مەدرید نەوەستان، کیلیان ئێمباپێ لە خولەکی 30دا توانی گۆڵی سێیەم تۆمار بکات دوای ئەوەی پاسێکی لەلایەن ترێنت ئەلیکساندەر
ئارنۆڵدەوە بۆ رەوانە کرا، بەمەش نیوەی یەکەم بە سێ گۆڵی بێوەڵام بۆ شاهانەکان کۆتاییهات.
لە نیوەی دووەمدا، ریال مەدرید کۆنترۆڵی یارییەکەی کرد و رێگەی نەدا مالاگا بگاتە سەر گۆڵەکەی. لە خولەکەکانی کۆتایی یارییەکەشدا، ئاردا گولەر گۆڵی چوارەمی بۆ ریال مەدرید زیاد کرد.
بەم سەرکەوتنە، ریال مەدرید کۆی خاڵەکانی گەیاندە 9 خاڵ لە سێ یاریی یەکەمیدا، دوای ئەوەی پێشتر لە ئیسپانیۆل و ریال سۆسیدادیشی بردبووەوە، بەمەش پێشەنگی ریزبەندیی گۆڵکارانی لالیگاش کەوتووەتە ژێر رکێفی ئەستێرەکانی مەدرید.
