Hewlêr (Rûdaw) - Hikûmeta Fransayê êrişa li Hewlêrê ya ku li Pêşmergeyan hatibû kirin şermezar kir.
Şeva borî li navçeya Pîrmamê ya Hewlêrê saet 23:45an 2 dronên bombebarkirî êrişî navendeke hêzên Pêşmergeyên Kurdistanê kir.
Wezareta Karên Derve ya Fransayê ev êriş şermezar kir û da zanîn, “Divê êrişkar werin girtin û darizandin.”
Wezareta Karên Derve ya Fransayê di daxuyaniya xwe de got:
“Hikûmeta Fransayê vê êrişê bi awayekî herî tund şermezar dike û dixwaze her kes rêzê li serweriya Îraqê û aramiya Herêma Kurdistanê bigire.”
Fransayê ji bo bidawîbûna van êrişan bang kir û wiha pê de çû:
“Dibê ev tundiyên bi vî rengî rawestin, êrişkar werin girtin û darizandin. Fransa ragigihîne ku hevahengekî timam ê Îraqa Federal û Herêma Kurdistanê ye.”
Hikûmeta Herêma Kurdistanê doh dabû zanîn ku di vê êrişê de ti ziyanên canî çênebûne.
Serokatiya Herêma Kurdistanê ev êriş şermezar kir û got, “Êrişên bi dronan ên li Herêma Kurdistanê dê tenê xisarê bidin aştî û aramiya Îraqê û dê rewşê aloztir bikin.”
Serokwezîr Mesrûr Barzanî jî êrişa li hêzên Pêşmergeyan şermezar kir û got, “Pêwîst e Hikûmeta Îraqê li hemberî êrişê helwesteke rasteqîn nîşan bide.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse