Hewlêr (Rûdaw) - Donald Trump got, “Eger Kamala Harris bi ser bikeve dê me tev li Şerê Cîhanê yê Sêyem bike.”
Li Amerîkayê dê 5ê Çiriya Paşîn hilbijartinên serokiyê bên kirin.
Namzedê Komariyan û serokê berê yê Amerîkayê Donald Trump û namzeda Demokratan Kamala Harris her ku diçe li hev sortir dibin.
Donald Trump di mîtînga xwe ya li Pensilvanyayê de berê tîrên rexneyên xwe da Harrisê û got:
“Harris ew qasî nekirkêr e ku nikare karê xwe jî xweşik bike.”
Trump her wiha angaşt kir ku Harris nikare bi kesên wekî Serokê Rûsyayê Vladimir Putin û Serokê Çînê Şi Cinping re derxe serî.
“Nikare karê xwe jî bike”
Donald Trump got, “Cîhan ti demê ev qasî nêzîkî şerekî golabal nebûbû” û soz da ku eger ew bibe serok dê xwe ji ber şer bide alî û li pey çû:
“Eger Harris bibe serok ev tê wateya ku li ser jiyanan bi milyonan kesan bi qumarê tê lîstin.
Harris ew qasî bi kêr nayê ku nikare karê jî xweşik bike û ji ber vê jî dê teqez me tev li Şerê Cîhanê yê Sêyem bike.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse