Rêzan Hemesalih / Wêne û Vîdeo: Rûdaw
Îtalya (Rûdaw) - Nûnera Herêma Kurdistanê ya Îtalyayê Rêzan Hemesalihê da zanîn ku 67 kes di keştiya binavbûyî de 67 kes hebûn û 11 ji wan hatine rizgarkirin.
17ê Hezîranê keştiyeke penaberan li nêzîkî girava Lampedusayê bin av bûbû 51 koçber hatibûn rizgarkirin û 10 koçber jî xeniqîbûn.
Li aliyê din, Hêza Deryayî ya Îtalyayê 18ê Hezîranê jî diyar ku keştiyeke penaberan li girava Calabriyayê bin av bûye.
Xaça Sor a Îtalyayê ji Rûdawê re eşkere kiribû ku heta niha 75 koçberên ku di wan 2 keştiyan de bûne winda ne.
Rûdawê piştrast kir ku 19 penaber Kurd in û xelkê Hewlêr û Raperînê ne.
Nûnera Herêma Kurdistanê ya Îtalyayê Rêzan Hemesalihê agahiyên herî nû bi Nûçegihanê Rûdawê Zinar Şîno re parve kirin.
“Bi tevahî 4 mirî hene”
Rêzan Hemesalihê da zanîn ku heta niha 11 kes hatine rizgarkirin û got:
“Li gorî amarên ku Îtalyayê dane, 67 kes di keştiyê de bûne û 11 ji wan hatine rizgarkirin ku 2 ji wan zarok in.
3 term hatine dîtin û kesek jî piştî ku hatiye dîtin miriye. Yanî bi tevahî 4 mirî hene.”
Dîvê were gotin ku Hêza Deryayî ya Îtalyayê heta niha li ser xebatên lêgerîn û rizgarkirinê ti agahî nedane.
Rêzan Hemesalihê diyar kir ku Hêza Deryayî ya Îtalyayê bi kesên rizgarbûyî re diaxive da ku hemû agahiyan peyda bike û xebatan li gorî vê bidomîne.
Li hêla din, yek ji wan kesa ku ji keştiyê rizgar bûye Ruya Mihyedînî ye.
Ruya Mihyedînî 22 salî ye û ji bajarê Paweyê yê Rojhilatê Kurdistanê ye.
Ruya ji Rûdawê re axivî û wiha behsa binavbûna keştiyê kir:
“Qaçaxçî nehişt em xwarinê bi xwe re bibin û ji me re gotibû ku xwarin di keştiyê de heye.
Piştî 4 rojan em ber bi Îtalyayê bi rê ketin xwarina me nema.
Kaptan sindoqeke mezin derxist got, ‘Ev xwarin e’ û sindoq ji destê wî ket û ji ber wê keştî qul bû.”
Keça bi navê Mujde jî wekî Ruya Mihyedîniyê rizgar bûye û bûye şahidiya mirin û xeniqîna 60 kesî.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse