Koalîsyonê li ser diyaloga HSD û Hikûmeta Sûriyeyê daxuyanî da

Hewlêr (Rûdaw) - Hevpeymaniya Navneteweyî (Koalisyon) got ku ew piştgiriya danûstandinên di navbera HSD û hikûmeta demkî ya Sûriyeyê de dikin.

Fermandarê Giştî yê Hêzên Sûriyeya Demokratîk (HSD) Mezlûm Ebdî li ser bipêşketinên dawî yên Sûriyeyê ji North Pressê re axivîbû.

Mezlûm Ebdî Serokkomarê Sûriyeyê Ehmed Şer pîroz kir û hêvî kir ku ew di vê "qonaxa hestyar" de karibe serkirdayetiya Sûriyeyê bike.

Her wiha Mezlûm Ebdî, Serokkomarê Sûriyeyê Ehmed Şer vexwend Rojavayê Kurdistanê.

Fermandarê HSDyê da zanîn ku ew amade ne hevkariyê bi Şamê re bikin ji ber ku ew bawer dikin parastina herêmê û rûbirûbûna terorê berpirsyariyeke niştimanî ye û pêwîstî bi hevahengiyeke bilind a di navbera hemû aliyan de heye.

Ebdî eşkere kir ku wan bi Şamê re li ser çend xalan lihev kiriye û li ser çend pirsên din jî hîn gotûbêjên wan berdewam dikin.

Hevpeymaniya Navneteweyî ya bi pêşengiya Amerîkayê ya li dijî DAIŞê li ser diyaloga di navber HSD û hikûmeta nû ya Şamê daxuyaniyek belav kir û tê de wiha got:

"Hevpeymaniya Navneteweyî piştgiriyê dide HSDyê di danûstandinên xwe yên bi hikûmeta nû ya Sûriyeyê re ji bo ku bibe alîkar ku aramî û paşerojeke geştir li herêmê pêk were."

The International Coalition supports @SDF_Syria in their talks with the new Syrian government in an effort to help foster stability and a brighter future in the region. #Syria #SDF #Stability #سوريا #قواتسورياالديمقراطية #الاستقرار https://t.co/2pBLOXdcfV

— Combined Special Ops Joint Task Force-Levant (@SOJTF_LEVANT) February 18, 2025

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger