Hewlêr (Rûdaw) - Serokê Amerîkayê Donald Trump Hemas tehdîd kir û got, “Ev hişyariya dawî ye. Demeke baş e ku hûn Xezeyê biterikînin.”
Trump bi rêya hesabê xwe yê Truth Socialê daxuyaniyek belav kir û helwesta xwe ya li ser Xezeyê ducare kir.
"Hemû dîlan niha berdin”
Trump ragihand ku divê endamên Hemasê bi temamî ji Xezeyê derkevin û wî diyar kir ku dê hemû piştgiriya ku Îsraîl dixwaze bide wan û anî zimên:
"Hemû dîlan niha berdin, ne paşê. Yan jî dê ev kar ji bo we temam bibe.
Ez her tiştê ku pêwîst e didim Îsraîlê da ku kar biqedîne. Eger hûn wekî ku ez dibêjim nekin ti endamê Hamasê dê ewle nebe.
Trump bangî rêberên Hamasê jî kir û got, "Ev hişyariya we ya dawî ye. Hîn ku şansê we heye ev demeke baş e ku hûn Xezeyê biterikînin."
Trump bangî gelê Xezeyê jî kir û xwest ku dîl bên berdan û got ku eger bernedin, dê bihayê wê bi canê xwe bidin.
