Hewlêr (Rûdaw) - Stuttgart bi gola lîstikvanê Kurd Denîz Undav 1-0 zora Augsburgê bir.
Stuttgart di çarçoveya hefteya 16emîn a Bundesligayê ya Almanyayê de li deplasmanê derket pêşberî Augsburgê.
Di maça li WWK Arenayê de Stuttgart 1-0 bi ser ket.
Futbolîstê navdar ê Kurd Denîz Undavê ku destpêka Çiriya Paşîn seqet bûbû piştî wê demê maça xwe ya ewil lîst.
Denîzê ku nîvê duyem ket maçê bi hawara Stuttgartê ve çû û golek kir.
Stuttgart bi vê gola Denîzê Kurd bi ser ket.
Denîz îsal di 10 maçên Bundesligayê de lîstiye û 6 gol kirine.
"Veger gelekî xweş e”
Undav piştî maçê ji medyaya Almanyayê re got:
"Veger gelekî xweş e. Ez kêfxweş im ku min bi golekê alîkariya tîma xwe kir."
Stuttgart dê di nava vê hefteyê de di lîgê de bi RB Leipzigê re bilîze.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse