Hewlêr (Rûdaw) - Li parêzgeha Samsunê ya Tirkiyeyê kes an jî kesên nenas bi çekan êrişî cihê mayîna karkerên demsalî yên ji Rihayê kir.
Parlamentera Rihayê ya DEM Partiyê Dîlan Kunt Ayanê li ser hesabê xwe yê medyaya civakî dîmenên ku karkerekî tomar kiriye belav kir.
Dîlan Kunt Ayanê di parvekirina xwe de diyar kir ku 200 karkerên çandiniyê yên ku ji Rihayê çûne Samsunê rastî êrişa çekdarî hatine.
Ayanê di parvekirina xwe de da zanîn:
“Cihê mayînê ya 200 karkerên ku ji bo karê çandiniyê ji Rihayê çûne Samsunê hatiye gulebarankirin.
Hêzên ewlehiyê ji dûr ve temaşe dikin. Ew mirovên ku li pey nanê xwe digerin ji ber ku Kurd in rastî êrişê tên.
Ev bûyera çendan e? Di bûyerekê de jî tawanbar nehatin darizandin û cezakirin.”
Ayanê amaje bi wê yekê da ku ew dê li beramberî bûyerên wiha têkoşîna xwe ya hiqûqî berdewam bike.
Heta niha derbarê bûyerê de daxuyaniyeke fermî nehatiye dayîn û kesên ku êriş kirine nehatine desteserkirin.
Urfa’dan Samsun’a mevsimlik tarım işçisi olarak çalışmaya giden 200 işçinin kaldığı yerler silahla taranıyor, emniyet güçleri uzaktan izliyor!
— Dilan Kunt Ayan (@dilankuntayan) August 30, 2024
Emeğinin peşinden giden insanların sırf Kürt diye lince/saldırıya uğramasında kaçıncı olay bu?
Hiçbirinde failler yargılanmadı, ceza… pic.twitter.com/GdzSsmCkuU
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse