Îddîa: Tirkiyê nasname da fermandarê berê yê Qaîdê

Hewlêr (Rûdaw) – Tê îddîakirin ku hinek ji wan kesên Tirkiye nasname dide wan, fermandar an jî çekdarên rêxistinên tundrew ên wek El Qaîde û DAIŞê ne.

Di demekê de ku Tirkiye amadekariya paşde vegerandina penaberên Sûriyê dike, hinek penaber jî nasnameya Tirkiyê werdigrin.

Tê îddîakirin ku hinek ji wan kesên nasnameya Tirkiyê werdigrin û dibin welatiyên Tirkiyê, fermandar an serbazên el-Qaîde, el-Nusra û DAIŞê ne.

Rojnamevan Lindsey Snell li ser hesabê xwe yê Twitterê îddîa dike ku fermandarê berê yê el-Qaîdeyê Manar el-Shami nasnameya Tirkiyê wergirtiye û nasnameya El-Shami parve kir.

Snell di twitta xwe de nivîsiye: “Di demekê de ku siyasetmedarên Tirk li ser behskirina vegerandina penaberên Sûrî bo Sûriyê berdewam in, fermandarê berê yê El-Qaîde Manar Al-Shami nasnameya Tirkî werdigre.”

As Turkish politicians continue to talk about deporting Syrian refugees back to Syria, former al-Qaeda commander Manar Al-Shami gets Turkish citizenship. pic.twitter.com/3x09Prx8XU

— Lindsey Snell (@LindseySnell) June 26, 2021

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger