Hewlêr (Rûdaw) - Li navçeya Pendîkê ya ser bi parêzgeha Stenbolê ya Tirkiyê ve, îro agir bi kargeheke boyaxê ket û di encamê de 5 kes birîndar bûn.
Li gor zanyariyan, li Taxa Kadir Çakmak a Pendîkê otomobîleke ku bi sîstema LPG kar dike teqiya û agir bi kargeha boyaxa otomobîlan ket.
Hatiye ragihandin ku di encama bûyerê de 5 kes birîndar bûne.
Li ser agahdarkirinê tîmên agirvemirandinê û tîmên tendirustiyê bo cihê bûyerê hatin şandin. Birîndar ji aliyê tîmên tendirustiyê ve bo nexweşxaneyên cuda hatin veguhestin.
Di dema vemirandina agir de 2 karmendên berevaniya şaristaniyê ji dûmanê bi jehrî ketin û di nav ambulansê de hatin dermankirin.
Di encama xebatên tîmên agirvemirandinê de agir hat vemirandin.
