Tirkiyê li ser bilindkirina Ala Kurdistanê li Kerkûkê nerazîbûn nîşan da

Navneda Nûçeyan - Tirkiyê li ser bilindkirina Ala Kurdistanê li Kerkûkê bertek nîşan da.

Berdevkê Wezareta Derve ya Tirkiyê Huseyin Muftuoglu li ser hildana Ala Kurdistanê li ser tevahiya sazî û dezgehên fermî yên parêzgeha Kerkûkê ya Başûrê Kurdistanê daxuyanî da.

Muftuoglu ragihand: “Tevgera tek alî ya li ser mijara Kerkûkê, zirarên digihîne hewlên ji bo ji hev nêzîkbûnê û îstîqrara Iraqê û wan hewlan dixe metirsiyê.”

Mufuoglu herwiha diyar kir: “Ew cure hewl xeterê li ser pirkulturiya Kerkûkê çêdikin, ku dewlemendiyên civakî, kulturî û aborî yên Iraqê di vî bajêrî de bi hev ve girêdayî ne.”