Hewlêr (Rûdaw) – Serokê MHPyê Devlet Bahçelî, Serokê Dadgeha Destûrê ya Tirkiyeyê bi awayekî tund rexne kir û got, “Heke tu mêr î here Qendîlê.”
Dadgeha Destûra Bingehîn a Tirkiyeyê (AYM), 25ê Çiriya Pêşînê li ser Parlamenterê Partiya Karkerên Tirkiyeyê (TÎP) Can Atalay biryar dabû.
Dadgeha Destûra dabû zanîn ku mafên wî yên “hilbijartin, çalakiyên siyasî, azadî û ewlehiyê” hatine binpêkirin.
Daîreya 3yemîn a Dadgeha Bilind a Tirkiyeyê (Yargitay) ew biryar nas nekir û li ser endamên Dadgeha Destûrê lêpirsîn da destpêkirin, herwiha gilî tomar kir.
Serokê Giştî yê Partiya Tevgera Neteweperest (MHP) Devlet Bahçelî, li ser nakokiyên di navbera Dadgeha Destûrê (AYM) û Dadgeha Bilind (Yargitay) de axivî.
“Serwerî ya gel e”
Bahçelî daxuyand ku divê parlamento li ser Can Atalay biryarê bide û got:
“Dadgeha Bilind karê xwe bê kêmasî kiriye. Sîstema darazê ne di bin wesayeta Dadgeha Destûrê de ye.
Divê parlamento li ser Can Atalay biryarê bide û mijar were çareserkirin. Serwerî ya gel e, ser gel re ti hêz nîne.”
“Heke tu mêr î here Qendîlê”
Devlet Bahçelî, di axaftina xwe de Serokê Dadgeha Destûra Bingehîn bi awayekî gelekî dijwar rexne kir û got:
“Serokê dadgehê êdî ne bêalî ye. Heke tu mêr î, heke tu wêrek î here Qendîlê. Divê Dadgeha Destûrê ya were girtin an jî ji nû ve were sazkirin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse