Hewlêr (Rûdaw) - Serdozgeriya Komarê ya Stenbolê ragihand ku di xwenîşandanên CHPyê yên dijî girtina Ekrem Îmamoglu de 278 kes jî hatine girtin û li 819 kesan jî doz hatiye vekirin.
Serokê Berê yê Şaredariya Bajarê Mezin a Stenbolê û namzedê CHPyê yê Serokkomariyê Ekrem Îmamoglu piştî ku 19ê Adarê bi tohmeta “alîkariya rêxistina PKKyê” û gendeliyê hat desteserkirin, 23yê Adarê ji lêpirsîna gendeliyê bi biryara dadgehê hat girtin û ji erkê xwe hat dûrxistin.
CHPyê piştî girtina Îmamoglu di serî de Stenbol li gelek bajarên Tirkiyeyê dijî girtina Îmamoglu xwenîşandan dan destpêkirin û gelek xwenîşander hatin desteserkirin û girtin.
Serdozgeriya Komarê ya Stenbolê îro di daxuyaniyekê de ragihand ku bi hinceta ku beşdarî xwenîşandanên CHPyê yên dijî girtina Ekrem Îmamoglu bûne, li 819 kesan de doz hatiye vekirin û niha 278 kes ji ber wan dozan hatine girtin.
.webp&w=3840&q=75)