Nêçîrvan Barzanî û Mesûd Pizîşkiyan civiyan

Hewlêr (Rûdaw) – Serokê Herêma Kurdistanê Nêçîrvan Barzanî û Serokkomarê Îranê Mesûd Pizîşkiyan civiyan.

Serokê Herêma Kurdistanê Nêçîrvan Barzanî ji bo bêşdarî merasîma sondxwarina Serokkomarê Îranê Mesûd Pizîşkiyan bibe doh li ser vexwendineke fermî çûbû Tehranê.

Nêçîrvan Barzanî îro ji bilî çend civînên bi rayedar û berpirsên Îranê re li gel Mesûd Pizîşkan jî civiya.

Nêçîrvan Barzanî li ser hesabê xwe yê Xê derbarê hevdîtina bi Mesûd Pizîşkiyan re peyamek belav kir.

Serokê Herêma Kurdistanê di peyama xwe de got:

“Kêfxweş im ku min yekem roja wî ya kar bi Serokkomarê Komara Îslamî ya Îranê Mesûd Pizîşkiyan re hevdîtin pêk anî.

Ez hêvî dikim ku ji bo bipêşxistina pêwendiyên Îraq û Herêma Kurdistanê yên bi  Îranê re em bi hev re kar bikin.”

Serokê Herêma Kurdistanê Nêçîrvan Barzanî li Tehranê bi Serokkomarê Îranê Mesûd Pizîşkiyan re civiya

Nêçîrvan Barzanî got: “Ez hêvî dikim ku ji bo bipêşxistina pêwendiyên Îraq û Herêma Kurdistanê yên bi Îranê re em bi hev re kar bikin.” pic.twitter.com/ajfgTKtd5t

— RudawKurdi (@RudawKurdi) July 31, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger