کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Berdevkê Artêşa Îranê Mihemed Ekremîniya / Wêne: Arşîv

Berdevkê Artêşa Îranê Mihemed Ekremîniya / Wêne: Arşîv

ÎRAN

Îran: Şer bi dawî nebûye û kartên me yên bihêz hene

RÛDAW

RÛDAW

29-04-2026
Guhdarî bike
0:00
0:00
Mezinahiya Nivîsê
RÛDAW
RÛDAW29-04-2026

Nûçeyên Têkildar

Eraqçî: Welatên herêmê piştgiriyê didin pêşniyara me ya vekirina Tengava Hurmizê
ÎRAN16-11-2026

Eraqçî: Welatên herêmê piştgiriyê didin pêşniyara me ya vekirina Tengava Hurmizê

Îranê daxwaza Almanyayê red kir
ÎRAN15-11-2026

Îranê daxwaza Almanyayê red kir

Li Îranê binesaziya av û kanalîzasyonê zêdetirî 77 milyon dolar zerer dît
ÎRAN15-11-2026

Li Îranê binesaziya av û kanalîzasyonê zêdetirî 77 milyon dolar zerer dît

Hewlêr (Rûdaw) – Berdevkê Artêşa Îranê Mihemed Ekremîniya ragihand ku şerê bi Amerîka û Îsraîlê bi dawî nebûye kartên wan ên bihêz hene ku wan hîn bi kar neanîne

Berdevkê Artêşa Îranê Mihemed Ekremîniya pêvajoya piştî pevçûnên li gel Amerîka û Îsraîlê nirxand

Mihemed Ekremîniya agirbesta heyî wekî "serdemeke bêdengiyê" bi nav kir.

Wî da zanîn ku ew ji Amerîkayê bawer nakin û got, "Şer bi dawî nebûye, me armancên xwe nû kirine û em bi kartên xwe yên ku me hîn bi kar neanîne ji bo êrişeke nû amade ne."

Pêşbîniya êrişê û amadekarî

Mihemed Ekremîniya beşdarî bernameyeke televîzyona dewletê ya Îranê bû û li ser operasyonên leşkerî yên li qadê agahiyên berfireh dan.

Wî bal kişand ser asta amadekariya artêşê ya beriya şer.

Berdevkê Artêşa Îranê diyar kir ku yekeyên îstixbaratê îhtîmala êrişê ji berê de dîtine.

Wî da zanîn ku bicihkirina Hêzên Bejahiyê ya li herêmên stratejîk rê li ber êrişeke bejahî girtiye.

"Me 170 amûrên asmanî xistin xwarê"

Ekremîniya li ser bîlançoya şer jî hinek amar eşkere kirin.

Wî ev pêvajo wekî "Şerê Remezanê" bi nav kir.

Li gorî îdiaya Ekremîniya, di vî şerî de 16 jê balafirên şer bi giştî 170 amûrên asmanî yên dijmin hatine têkbirin.

Ekremîniya behsa serkeftina Hêzên Asmanî jî kir û got:

"Me di destpêka şer de li Hewlêr, Kuweyt û Qeterê gelek êriş birin ser baregehên dijmin.

Bi taybetî operasyona me ya bi balafirên F-5an a ku qatên parastina asmanî ya Amerîkayê derbas kirin û rasterast baregehên Amerîkayê kirin armanc, di çapemeniya cîhanê de jî cih girt.

Ev ji aliyê leşkerî ve serkeftineke bêhempa ye."

"Hîn şer bi dawî nebûye"

Ekremîniya tekez kir ku di dema agirbestê de wan sistî nekiriye û ji bo artêşê ev peyam da:

"Em şer wekî bidawîbûyî qebûl nakin. Ji ber bêbaweriya me ya li hemberî dijmin, em banka xwe ya armancan berfireh dikin.

Her wiha em perwerdeyên xwe jî bê navber didomînin. Di ronahiya tecrubeyên xwe yên şer de, me kel û pelên xwe nû kirin û yên nû çêkirin.

Eger dijmin careke din hewl bide êriş bike, em dê bi rêbaz û amûrên ku qet li bendê nînin wan pêşwazî bikin."

"Em ji bo şerê demdirêj amade ne"

Ekremîniya da zanîn ku kapasîteya pîşesaziya leşkerî ya Îranê di dema şer de jî dikare hilbirînê bike.

Wî bi van gotinan gef li Washington û Tel Evîvê xwarin:

"Dema ku şer berdewam dikir, me dronên nû hilbirandin û şandin eniyê.

Bi vê hêza xwe ya hilberînê û piştgiriya gelê xwe, heta ku em dijmin poşman bikin kapasîteya me heye ku em bi salan şer bikin.

Kartên me yên gelekî bihêz hene ku me hîn neavêtine ser maseyê."

 Ekremîniya diyar kir ku moralê artêşê di lûtkeyê de ye û bi piştgiriya gel ev hêz ducare bûye.

Wî destnîşan kir ku li hemberî her hewldanên ku gefê li ewlehî û sînorên Îranê bixwe, dê bersiveke "ji ya berê gelekî tundtir" bê dayîn.

Nûçeyên Têkildar

Eraqçî: Welatên herêmê piştgiriyê didin pêşniyara me ya vekirina Tengava Hurmizê
ÎRAN16-11-2026

Eraqçî: Welatên herêmê piştgiriyê didin pêşniyara me ya vekirina Tengava Hurmizê

Îranê daxwaza Almanyayê red kir
ÎRAN15-11-2026

Îranê daxwaza Almanyayê red kir

Li Îranê binesaziya av û kanalîzasyonê zêdetirî 77 milyon dolar zerer dît
ÎRAN15-11-2026

Li Îranê binesaziya av û kanalîzasyonê zêdetirî 77 milyon dolar zerer dît

Pirsên