Hewlêr (Rûdaw) - Bi dehan malbatên kuştiyên xwepêşandanên sala borî li Rojhilatê Kurdistanê û Îranê daxwazê ji çalakvan û rêxistinên mafên mirov dikin, hewl bidin cezayê darvekirinê yê xwepêşanderan bê hilweşandin.
Heştê malbatên kuştiyên sala borî di daxuyaniyekê de dibêjin: “Em hemû dixwazin cezayê darvekirinê bê hilweşandin.” Belavkirina vê daxuyaniyê di demekê de ye, heta niha hikûmeta Îranê 7 kes ji desteserkiriyên xwepêşandanên sala borî darve kirine.
Rêxistina Mafên Mirovan a Îranê, roja 12ê Gulana 2023an belav kiribû ku jiyana 12 desteserkiriyên siyasî di metirsiyê de ye. Çend hefte ye Komara Îslamî ya Îranê proseya darvekirinê bileztir kiriye û ew yek jî bûye sedema nîgeraniya kesûkarên wan kesên cezayê darvekirinê li ser ewan hatiye ferzkirin.
Her 80 malbat daxwazê ji “mirovên rêzdar, hemû rêxistin û saziyên mafên mirov li hemû cîhanê dikin ku hewl bidin cezayê darvekirinê bê hilweşandin û xweştiviyên wan bên rizgarkirin.”
Li gor hejmara niştecihan, Îran piştî Çînê dûyem welatê cîhanê ye di darvekirina xelkê de. Ew malbat ku hemû niştecihên Rojhilatê Kurdistanê û Îranê ne, “darvekirin wek tolhildana ji xelkê nerazî” pênase kirine ku bi slogan “Jin, Jiyan, Azadî” rijiyan ser cadeyan.
.webp&w=3840&q=75)