Hewlêr (Rûdaw) – Karsazekî ji Erebistana Siûdî keça Serokê Amerîkayê Donald Trump a zewicî Ivanka Trump bi rêya vîdeoyekê ji xwe re xwest.
Di serdana Serokê Amerîkayê Donald Trump a bo welatê Erebistana Siûdiyê de dimên rengîn derketin holê. Trump ligel Şahê Erebistana Siûdî Selman re reqsa şûr kir û piştre jî serdana mûzexaneyê kir.
Di destpêka serdana Tramp de karsazekî dewlemend ji Şah Selman xwest ku keça Trump a zewicî Ivankayê jê re bixwaze. Ivanka Trump hevjîna şêwirmendê Koşka Spî Jared Kushner e, dayîka 2 zarokan e.
Karsazê Siûdî di vîdeoya li ser medyaya civakî belavkirî de wiha dibêje: “Ez Bedir Fehd Ebdullah. Ji Şah Selman dixwazim ku ew keça Trump Ivanka bi îzna Xwedê ji min re, ji bavê wê bixwaze.” Vîdeoya Bedir Fehd Ebdullah li ser malperên medyaya civakî bû rojev.
Herwiha hevjîna Trump di heman rojê de 3 caran cil û bergên xwe guherandin û vê yekê jî bala çapemeniyê kişand.
Serokê Amerîkayê piştî bi dawî anîna serdana xwe ya bo Erebistana Siûdiyê, îro Duşemê gihîşt Îsraîlê.
