Hewlêr (Rûdaw) - Li gundekî bajarê Urmiyeyê yê Rojhilatê Kurdistanê termên 6 kesan hatin dîtin.
Heta niha sedema mirina wan ne diyar e lê lêpirsîn li ser vê mijarê dest pê kiriye.
Birêvebirê Navenda Rizgarkirinê yê Urmiyê Ferzîn Rezazade ragihand ku li gundê Telatepeyê yê Urmiyê, termên 6 kesan di nav vîlayekê de hatine dîtin.
Ferzîn Rezazade got, "Êvara îro piştî ku agahî gihiştin me, me tîmeke rizgarkirinê şand gund û piştî ku gihiştin cihê bûyerê û wan lêkolîna destpêkî kir û wan dît ku 6 welatî di nav vîlayekê de mirîne."
Li gorî gotina Ferzîn Rezazade, çar mêr û du jinan jiyana xwe ji dest daye û temenê wan di navbera 30 û 40 salî de ye.
Birêvebirê Navenda Rizgarkirinê yê Urmiyeyê her wiha diyar kir ku sedema mirina van kesan ne diyar e, lê wan dest bi lêpirsînê kiriye.
