Hewlêr (Rûdaw) - Serokwezîrê Îsraîlê Benjamin Netanyahu bersiv da Serokkomarê Tirkiyeyê Recep Tayyîp Erdogan û got, “Îsraîl dê ji Erdoganê ku Kurdan qir dike, weazên exlaqî wernegire.”
Serokkomarê Tirkiyeyê Recep Tayyîp Erdogan doh li Stenbolê beşdarî bernameyekê bûbû û Serokwezîrê Îsraîlê Benjamin bi gotinên tund rexne kiribû.
Erdogan di axavtina xwe de got, “Netanyahu û rêveberiya wî bi sûcên li dijî mirovahiyê yên li Xezeyê dikin, wekî Naziyên îro navên xwe li kêleka Hitler, Mussolini û Stalin zêde kirine.”
“Li welatê xwe Kurdan qir dike”
Netanyahu jî li ser hesabê xwe yê Xê bersiv da gotinên Erdogan û wiha got:
“Îsraîla ku pabendî qanûnên şer e, dê ji Erdoganê ku piştgiriyê dide qatil û tecawizkarên rêxistina terorê ya Hemasê, qirkirina Ermeniyan înkar dike, li welatê xwe Kurdan qir dike, zextê li rojnameger û mixalîfên rejîmê dike weazên exlaqî wernegire.”
ישראל שמקפידה על חוקי המלחמה לא תקבל הטפות מוסר מארדואן, שתומך ברוצחים ואנסים של ארגון הטרור חמאס, מכחיש את שואת הארמנים, טבח בכורדים בתוך מדינתו שלו ומעלים מתנגדי משטר ועיתונאים.
— Benjamin Netanyahu - בנימין נתניהו (@netanyahu) March 9, 2024
“Tirkiye piştî Îranê li cîhanê piştgirê herî mezin ê terorê ye”
Wezîrê Karên Derve yê Îsraîlê Israel Katz jî piştgirî da Netanyahu û wiha anî ziman:
“Kuştin û sûcên zayendî yên ku Hemasê li dijî Cihûyan û Dewleta Îsraîlê kirine, di dîrokê de yek ji kiryarên herî mezin ên zordestî û antîsemîtîzmê ne."
התמיכה של ארדואן @RTErdogan בפשעי הרצח והמין של החמאס נגד היהודים ומדינת ישראל, הופכת אותו לאחד מגדולי הצוררים והאנטישמים בהיסטוריה, ואת טורקיה למדינה תומכת הטרור הגדולה בעולם לצד אירן. איזו חרפה לרפובליקה שייסד אבי טורקיה המודרנית כמאל אטאטורק.
— ישראל כ”ץ Israel Katz (@Israel_katz) March 9, 2024
“Lûtkeya durûtiyê ye”
Tirkiye piştî Îranê li cîhanê piştgirê herî mezin ê terorê ye.”
Li aliyê din Serokê Partiya Yekîtiya Neteweyî ya Îsraîlê Benny Gantz jî ji ber piştgiriya Hemasê Erdogan şermezar kir û wiha pê de çû:
"Sekna Erdogan a bi Hamasê re, wî dike alîgirê sûcên li dijî mirovahiyê û muqayesekirina Serokwezîrê Îsraîlê bi dîktatoran re lûtkeya durûtiyê ye.
Rastiya ku Erdogan di wê baweriyê de ye ku Hemas ne rêxistineke terorîst e, reftarên wî yên li hemberî welatiyên xwe diyar dike.
Îsraîl di şerê li dijî kesên ku îspat kirine ku mirovatiya wan tune ye jî dê bi qanûnên navneteweyî ve girêdayî be."
העמידה של ארדואן מאחורי חמאס הופכת אותו לתומך של פשעים נגד האנושות, וההשוואה של ראש ממשלת ישראל לדיקטטורים - היא שיא של צביעות.
— בני גנץ - Benny Gantz (@gantzbe) March 9, 2024
העובדה שארדואן סבור שהחמאס אינו ארגון טרור, מסבירה את התנהלותו כלפי אזרחיו.
ישראל תמשיך להקפיד על החוק הבינלאומי גם במלחמה מול מי שהוכיחו שאין להם צלם…
Li aliyê din Serokê Ragihandinê yê Serokomariya Tirkiyeyê Fahrettîn Altun derbarê mijarê de li ser hesabê xwe yê Xê daxuyaniyek belav kir.
Fahrettîn Altun got, “Ji ber paqijiya etnîkî ya ku ji aliyê Serokwezîrê Îsraîlê Benjamin Netanyahu û hikûmeta wî ve tê kirin, êşên Filistîniyan didomin.”
Herwiha Altun ragihand, “Em dê bi hemû hêza xwe li dijî van polîtîkayan bisekinin.
Dê derew, xapandin, sûcdarkirinên bêbingeh û hewldanên wî yên ji bo guhertina rojevê bêencam bimînin."
Netanyahu is at it again, lashing out at our country to cover up his crimes. There is no amount of lying, disinformation, and deception that can conceal the historic massacres he’s committed against innocent civilians. History has already judged him as the most disastrous leader…
— Fahrettin Altun (@fahrettinaltun) March 9, 2024
“Dê berpirsên Îsraîlî hesabê bidin”
Berdevkê Wezareta Karên Derve ya Tirkiyeyê Oncu Keçelî li ser pirsa derbarê daxuyaniyên Hikûmeta Îsraîlê de wiha bersiv da:
“Îsraîl dewletek e ku ji ber sûcên komkujiyê li Dadgeha Edaletê ya Navneteweyî tê darizandin û Hikûmeta Îsraîlê ji hemû sûcên ku li Xezeyê li dijî gelê Filistînê tên kirin berpirsyar e.
Hewldanên endamên Hikûmeta Îsraîlê yên ji bo guhertina rojevê nikarin van rastiyan veşêrin.
Wijdanê mirovî û hiqûqa navneteweyî dê teqez pêk were ku berpirsên Îsraîlî hesabê bidin.”
Dışişleri Bakanlığı Sözcüsü Öncü Keçeli’nin İsrail Hükümetinin Bazı Üyelerinin Açıklamaları Hakkında Soruya Cevabı https://t.co/S3bweVlDL4 pic.twitter.com/VrUxge1dJI
— T.C. Dışişleri Bakanlığı (@TC_Disisleri) March 9, 2024
