Hewlêr (Rûdaw) - Li parêzgeha Wanê ya Bakurê Kurdistanê, di nav du hefteyan de bi tohmeta qaçaxçîtiya koçberan 14 kes hatin desteserkirin û 6 ji wan hatin girtin.
Birêvebiriya Ewlehiyê ya Wanê ragihand ky xebatên wan ên rêlibergirtina koçberên neyasayî û qaçaxçîtiya koçberan û bazirganiya mirovan berdewam in.
Li tevahiya parêzgehê ji bo desteserkirina qaçaxçiyên koçberan di navbera 16 û 30ê Adara 2025an de operasyon hatin kirin.
Di operasyonan de bi tohmeta "qaçaxçîtiya koçberan û bazirganiya mirovan" 14 kes hatin desteserkirin û ew birin Birêvebiriya Ewlehiyê ya Wanê.
Hêzên ewlehiyê piştî karên îfadewergirtinê 14 kes şandin Dadgeha Wanê.
Dadgeha Wanê derbarê 6 kesan de biryara girtinê da û 8 kes jî berdan.
Parêzgeha Wanê bi taybetî ji bo koçberên Efxan, Îran û Pakistanî wekî rêyeke derbasbûna Tirkiye û Ewropayê tê bikaranîn.
