Hewlêr (Rûdaw) - Li parêzgeha Şirnexê ya Bakurê Kurdistanê, îro li madeneke komirê ya li quntarên Çiyayê Cûdiyê zinar bi ser makîneya kar de hilweşiya û di encamê de şofêrê makîneya kar birîndar bû.
Li madeneke komirê ya li quntarên Çiyayê Cûdiyê, di dema kolana madenê de ji çiya zinar bi ser makîneya kar de ket.
Di encamê de şofêrê makîneya kar ê bi navê M.B. birîndar bû û di nav makîneya kar de asê ma.
Li ser agahdarkirinê tîmên tenduristiyê, hêzên ewlehiyê û tîmên rizgarkirinê yên AFADê çûn cihê bûyerê.
M.B. ji nav makîneya kar hat rizgarkirin û tîmên tenduristiyê ew veguhast Nexweşxaneya Dewletê ya Şirnexê.
Hat zanîn rewşa tendurisitiyê ya şofêr bi giştî baş e.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse