Hewlêr (Rûdaw) - Şêniyê navçeya Silopiyayê ya parêzgeha Şirnexa Bakurê Kurdistanê navê keça xwe kir Ala Rengîn.
Yek ji birêvebirên HezKurdê Fethullah Elçî ji Rûdawê re ragihand ku wî hemû navên Tirkî, Farsî û Erebî red kirin û navekî Kurdî li keça xwe kir.
Fethullah Elçî da zanîn ku wî ji gotina Serok Mesûd Barzanî ya “Ez di bin Alaya Kurdistanê de hatim ser dinyayê û ez dê di bin Alaya Kurdistanê de jî bimirim” feyz wergirtiye û navê keça xwe kiriye Ala Rengîn.
“Ma Xwedê nikare bi navên wekî Botan, Cegerxwîn û Elîşêr gazî bike?”
Çalakvanê Kurd Fethullah Elçî got:
“Gelek kesan, gelek nav pêşniyar kirin. Navên Erebî!
Çima em navên Erebî li zarokên xwe bikin?
Ereb, Tirk û Eceman kengî navên Kurdî li zarokên xwe kirine?
Mezinên me bi hesasiyetên olî navên Erebî li me hemûyan kirin û sedem jî ku bila navên axiretî bin.
Ma Xwedê nikare bi navên wekî Botan, Cegerxwîn û Elîşêr ên bi Kurdî gazî bike?
Keça min jî wekî vî wêneyê, di bin Alaya Rengîn de hat ser dinyayê û navê wê jî Ala Rengîn e.
Ew dê xizmeta alaya xwe, welatê xwe û neteweya xwe bike.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse