Hewlêr (Rûdaw) - Wezareta Veguhastin û Ragihandinê ya Herêma Kurdistanê, îdiayên lihevkirineke di çarçoveya Rêya Bipêşketinê de ya bi Hikûmeta Îraqê re red kir.
Wezareta Veguhastin û Ragihandinê ya Herêma Kurdistanê, derbarê îdiayên ku tê gotin lihevkirinek di bicihkirina Projeya Rêya Bipêşketinê ya li ser axa Herêma Kurdistanê de hatiye kirin, daxuyanî da.
Di daxuyaniya wezaretê de hat ragihandin ku ev îdia rast nînin û şaş in û pêwendiya fermî ya dawî 23yê Gulana 2024an li Hewlêrê pêk hatiye.
Di civînê de berpirsên Wezareta Veguhastinê ya Îraqê û nûnerên şirketa şêwirmendiyê ya Îtalî BTPyê jî beşdar bûn.
Hat ragihandin ku piştî hevdîtinan di navbera Wezîrê Veguhastin û Ragihandinê yê Herêma Kurdistanê Ano Cewher Ebdoka û Wezîrê Veguhastinê yê Îraqê de axaftineke telefonî ya erênî pêk hat.
Protokoleke hevtêgihiştinê ji bo dewamkirina hevkariya di çarçoveya Projeya Rêya Bipêşketinê de hat îmzekirin.
Di daxuyaniyê de hat diyarkirin ku ev protokol tenê “planeke hevbeş a xebatê” ye û hîn ti biryar li ser rêbaza projeyê nehatine dayîn.
Her wiha hat destnîşankirin ku hevkariya di navbera her du wezaretan, şirketa şêwirmendiyê û ofîsên endezyariyê yên pêwendîdar de dê berdewam bike.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse