Silêmanî (Rûdaw) - Bi beşdariya hejmarek Kurdnas, zimannas û lêkoleran, Konferansa Kurdnasiyê li Zanîngeha Amerîkî ya Silêmaniyê tê lidarxistin.
Konferans dê 3 rojan bidome ku hejmarek çalakiyên hunerî û pêşangehên pirtûkan jî li xwe digire.
Bi amadebûna hejmarek nivîskar û lêkolerên Kurd û biyanî li Zanîngeha Amerîkî ya Silêmaniyê, Konferansa Kurdnasiyê dest pê kir.
Di konferansê de li ser ziman, siyaset, çand û civaka Kurdî gotûbêj tên kirin.
Serokê Zanîngeha Amerîkî ya Silêmaniyê Dr. Bîlal Wehab li ser armanca konferansê ji Nûçegihanê Rûdawê Pêşewa Bextyar re ragihand:
"Hevdîtin ji bo danasîna Navenda Keşkolê ya li Zanîngeha Amerîkî ye ku şaheserên edebî yên Kurdî wergerandine zimanên cîhanî, bi taybetî jî Îngilîzî."
Dr. Bîlal Wehab anî ziman:
"Armanca me ew e ku em nifşekî nû yê Kurdnasan bidin nasîn ku ew bi xwe Kurd in û Kurdnasiyê vedigerînin Kurd û Kurdistanê, da ku em ji çavê xwe ve mijarên Kurdî bi derve bidin nasîn."
Serokê Zanîngeha Amerîkî ya Silêmaniyê Dr. Bîlal Wehab da zanîn ku zanîngeh girîngiyeke mezin dide gihandina nifşekî nû û xizmetkirina civakê û da zanîn:
"Lewra ji bilî mijarên akademîk, 7-8 pêşangehên hunerî û pirtûkan di konferansê de bi rê ve diçin ku tê de zêdetirî 20 nivîskarî pirtûkên xwe belav dikin."
Bîlal Wehab her wiha destnîşan kir ku konferans dê 3 rojan bidome û di roja dawî de jî, dê konserek ji aliyê komeke hunerî ve were lidarxistin.
