Hewlêr (Rûdaw) - Li parêzgeha Sêwazê ya Bakurê Kurdistanê ji ber sedemeke nediyar agir bi avahiyeke sê qatî ket, di encamê de 6 kes ji ber dûmanê bi jehrî ketin.
Li Sêwazê îro ji ber sedemeke nediyar agir bi qata yekem a avahiyeke sê qatî ket û dûman li tevahiya avahiyê belav bû.
Li ser agahdarkirinê tîmên tenduristiyeê, parastina sivîlan û polîs çûn cihê bûyerê.
Welatiyên ku di avahiyê de asê mabûn ji aliyê tîmên pêwendîdar ve hatin derxistin.
Tîmên tenduristiyê 6 kesên ku dûmanê bandor li wan kiriye piştî midaxeleya destpêkê bi ambulansan veguhastin nexweşxaneyên bajêr.
Agir ji aliyê tîman ve hat vemirandin lê di qatê yekem ê avahiyê de zererên madî çêbûn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse