Dihok - Li Şêxanê wesayîteke leşkerên Îtalyayê wergeriya

Hewlêr (Rûdaw) - Li navçeya Şêxanê ya Dihokê wesayîteke leşkerên Îtalyayê wergeriya, tenê ziyana madî çêbû.

Li gundê Çireyê yê nahiyeya Qesrokê ya navçeya Şêxanê ya Dihokê li ser rêya Hewlêr-Dihokê wesayîteke leşkerên Îtalyayê qulibî.

Birêvebirê nahiyeya Qesrokê Mehran Nêrweyî li ser bûyerê ji Rûdawê re axivî.

Mehran Nêrweyî got, “Îro saet 13:45an otomobîleke leşkerên Îtalyayê ya ku cureyê wê Hummer e li ser rêya sereke ya Hewlêr-Dihokê li nêzikî gundê Çireyê wergeriya.”

Herwiha da zanîn ku 4 kes leşker di wesayîtê de bûne û her çar jî bi silamet in, tenê ziyana madî çêbûye.

Li aliyê din, Mehran Nêrweyî ragihand ku wesayîta leşkerî bi xwe wergeriyaye û li ti wesayîteke din neqelibiye û li ser qezayê ti giliyek nehatiye kirin.

Li gorî zanyariyên Rûdawê, “2 helîkopterên leşkerî çûne cihê bûyerê û leşker rakirine Hewlêrê.

Karwanê leşkerî yê Îtalyayê ji Hewlêrê bi rê ketibû û nayê zanîn ku dema qeza rû da ber bi ku ve diçû.

Wesayîteke leşkerên Îtalyayê li navçeya Şêxanê ya Dihokê wergeriya

Tîmên wan bi helîkopteran diçin hawara leşkeran û wan ji cihê bûyerê vediguhêzin pic.twitter.com/oMTb1H4d4h

— RudawKurdi (@RudawKurdi) August 23, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger